 |
28 kastryčnika ŭ Minsku, u mastackaj halerei kafieteryja «Dobryja myśli» (vulica Mahiloŭskaja, 12) adkryłasia vystava kanceptualna‑mastackich tvoraŭ Viktara Markaŭca i Alesia Razanava.
U ekspazicyi demanstrujucca sumiesnyja raboty aŭtaraŭ ź sieryj «Isvy» i «Funkcyjanalnyja kanteksty». U pieršaj častcy pakazana mastacka‑vobraznaje daśledavańnie roznych źjaŭ: raboty «Strach», «Sumnieńnie», «Zhodna», «Smaha», «Razvažańnie», «Radaść», «Mahčymaść» i «Smutak». Druhaja sieryja — heta ŭvasableńnie cieraz sensavuju, emacyjnuju i vobraznuju pabudovu mastackich tvoraŭ staražytnych pryład pracy: piła, siakiera, rydloŭka, sierp.
Mastactvaznaŭca Taćciana Haranskaja nazyvaje hetyja sieryi, jak i były prajekt mastakoŭ «Jajkakvadraty», «novym słovam u avanhardnym mastactvie našych dzion, jakoje nie maje anałahaŭ u sučasnaj mastackaj kultury, pakolki vychodzić za miežy dziejnych mastackich uvasableńniaŭ».
Aprača taho, u halerei adkryłasia vystava kłasičnaha stankavaha žyvapisu V.Markaŭca «Barvy žyćcia», prymierkavanaja da 60‑hodździa mastaka. Razam ź piejzažami tut pradstaŭleny habieleny aŭtara i jaho raśpisnyja dyvany, vykananyja ŭ tradycyjach staražytnaj biełaruskaj narodnaj tvorčaści.
