Inspektary Raśsielhasnahladu atestavali 47 ź 58 pravieranych u vieraśni małočnych pradpryjemstvaŭ Biełarusi.

Siarod atestavanych mienskija małočnyja kambinaty, AAT «Savuškaŭ pradukt» dy inš. Ź pieršaj sproby nie atestavalisia Smalavicki, Naračanski, Kobrynski dy Lachavicki małočnyja kambinaty. Na hetych pradpryjemstvach čakajecca druhaja pravierka, pa vynikach jakoj jany, mahčyma, taksama atrymajuć atestat Raśsielhasnahladu, paviedamlaje BIEŁTA.

Rasiejskija specyjalisty vysoka acanili ŭzrovień sanitarnaha i veterynarnaha stanu biełaruskich małakapierapracoŭčych pradpryjemstvaŭ. U listapadzie pravierki čakajucca na 10 miasapierapracoŭčych, 13 małočnych pradpryjemstvach i 6 ptuškafabrykach.

Nahadajem, što da 1 sakavika 2008 h. ekspart biełaruskaj małočnaj pradukcyi ŭ RF dazvoleny niezaležna ad najaŭnaści ŭ pradpryjemstva atestacyi. Na siońnia ajčynnyja pradpryjemstvy majuć prava vyvieźci ŭ Rasieju reštu pradukcyi, što zastajecca paśla vykanańnia zadańnia pa nasyčeńni ŭnutranaha rynku.

Łahodnaść rasiejskich inspektaraŭ ŭ dačynieńni da biełaruskich vytvorcaŭ małaka eksperty tłumačać deficytam małočnaj pradukcyi ŭ Rasiei ŭ vyniku sioletniaha nieŭradžaju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?