Dla atrymańnia finansavaj dapamohi ad Rasii Ukrainie nieabchodna pryznać lehitymnaść dałučeńnia Kryma da RF. Pra heta zajaviŭ ministr finansaŭ RF Anton Siłuanaŭ pa vynikach sustrečy ź ministram finansaŭ Niamieččyny Volfhanham Šojble ŭ Vašynhtonie.
«Kanstytucyjnaja reforma, lehitymnyja vybary prezidenta i farmiravańnie ŭrada, ź jakim možna było b damaŭlacca, lehitymizacyja situacyi vakoł Kryma i ŭrehulavańnia pytańniaŭ napružanaści va ŭschodnich terytoryjach Ukrainy.
Urehulavańnie mirnym šlacham, biez dyskryminacyi ruskaha nasielnictva, na padstavie zakonaŭ Ukrainy, biez achviar i krovapralićcia. Takoha rodu čatyry pazicyi my stavim u jakaści umoŭ taho, kali Rasija zmoža prapanavać kroki pa dadatkovaj finansavaj dapamozie jak u biudžetnych, tak i ŭ hazavych pytańniach», - skazaŭ Siłuanaŭ.
Pavodle jaho słoŭ, anałahičnyja ŭmovy byli vykazany i ŭ čas sustrečy z kiraŭnikom Minfina ZŠA Džejkabam Lju.
«Pramoj suviazi niama, ale my nie možam na heta nie aryjentavacca», — dadaŭ ministr.