Prarektar Biełaruskaha pedahahičnaha ŭniversytetu imia Maksyma Tanka Vasil Buščyk pryznačany siabram Centralnaj kamisii Biełarusi pa vybarach i praviadzieńniu respublikanskich referendumaŭ. Adpaviedny ŭkaz padpisaŭ Alaksandar Łukašenka.
Takim čynam, Centarvybarkam, jaki składajecca z 12-ci čałaviek, znoŭ budzie ŭ poŭnym składzie.
Vakansija ŭ hetaj struktury źjaviłasia paśla taho, jak siabra kamisii, na toj čas namieśnik načalnika Hałoŭnaha idealahičnaha ŭpraŭleńnia Administracyi prezydenta Ŭładzimier Choład byŭ zatrymany za chabar. Praź niekalki dzion jon napisaŭ zajavu ab zvalnieńni z CVK pa ŭłasnym žadańni. 25 vieraśnia kryminalnuju spravu Ŭładzimiera Chołada nakiravali ŭ Viarchoŭny sud.
Z 12-ci supracoŭnikaŭ CVK tolki dvoje – staršynia Lidzija Jarmošyna i sakratar Mikałaj Łazavik pracujuć na štatnaj asnovie. Astatnija 10 sumiaščajuć pracu ŭ Centarvybarkamie z asnoŭnaj pracaj.
