Hramadskaja pałata Rasii prapanuje ŭvieści sankcyi ŭ dačynieńni da ŭkrainskich dziaržaŭnych i hramadskich dziejačaŭ, u čyich zaklikach nibyta mahła być dyskryminacyja ruskamoŭnych.
Pra heta havorycca ŭ raspaŭsiudžanaj u piatnicu HP zajavie pa vynikach hramadskich słuchańniaŭ pa pytańniach abarony pravoŭ čałavieka nva Ukrainie.
U dakumiencie padkreślivajecca «niedapuščalnaść prymianieńnia nieadekvatnych siłavych mier u dačynieńni da hramadzianskaha nasielnictva paŭdniova-ŭschodnich rehijonaŭ Ukrainy»
Taksama Hramadskaja pałata Rasii zaklikaje suśvietnuju supolnaść rašuča asudzić «masavyja parušeńni pravoŭ asoby i złačynnyja hvałtoŭnyja dziejańni» ŭrada Ukrainy ŭ dačynieńni da ŭdzielnikaŭ akcyj pratestu na paŭdniovym uschodzie Ukrainy.
Na słuchańniach abmiarkoŭvalisia pramiežkavyja vyniki pravaabarončaha manitorynhu ŭ paŭdniova-ŭschodnich rehijonach Ukrainy, zasnavanaha, pavodle zajavy, na vynikach pracy kamiteta ŭ abaronu pravoŭ asoby va Ukrainie, rabočaj hrupy HP pa manitorynhu situacyi ŭ hetaj krainie, na analizie zvarotaŭ hramadzian u kaardynacyjny štab OP pa akazańni dapamohi žycharam Ukrainy i razhladzie «kankretnych faktaŭ parušeńniaŭ pravoŭ hramadzian».
Udzielniki słuchańniaŭ vystupili za pačatak realnaha dyjałohu pa mirnym urehulavańni kanfliktu ŭ paŭdniova-ŭschodnich abłaściach Ukrainy z pryciahnieńniem mižnarodnych pasiarednikaŭ.
U HP ličać nieabchodnym «nakiravać materyjały pa faktach parušeńniaŭ pravoŭ hramadzian na terytoryi Ukrainy ŭ kamisiju AAN pa pravach čałavieka», Mižnarodny sud AAN, ABSIE, inšyja mižnarodnyja pravaabarončyja arhanizacyi.
Prapanavana padrychtavać i pryniać sumiesnuju zajavu HP, Savieta pry prezidencie RF pa raźvićci hramadzianskaj supolnaści i pravach čałavieka i Upaŭnavažanaha pa pravach čałavieka ŭ RF dla dalejšaha nakiravańnia ŭdzielnikam Ženieŭskaha pahadnieńnia ad 17 krasavika 2014 h. pa Ukrainie (Rasija, ZŠA, ES, Ukraina).
HP prapanavała taksama sfarmavać śpis ź liku ŭkrainskich dziaržaŭnych i hramadskich dziejačaŭ, u čyich vystupach ŭtrymlivajucca zakliki dyskryminacyjnaha charaktaru ŭ dačynieńni da ruskamoŭnaha nasielnictva Ukrainy, jakija majuć dačynieńnie da pryniaćcia rašeńniaŭ ab abmiežavańni ŭjezdu rasijskich hramadzian va Ukrainu i «pra ŭžyvańnie vajennaj siły suprać hramadzianskaha nasielnictva», «na pradmiet razhladu pytańnia ab uviadzieńni ŭ dačynieńni da ich sankcyj».