Adkazy praktyčna na ŭsie pytańni, jak my viedajem ciapier, dy, ułasna, u hetym nichto i nie sumniavaŭsia, viedaje naš prezident Uładzimir Uładzimiravič. A voś u mianie — kuča pytańniaŭ. Viadoma: ja ž nie Pucin.
Voś kali pafantaziravać, uklučyć, tak by mović, svajo ŭjaŭleńnie. Da prykładu, pa pieršym kanale rasiejskaha TB vystupaje kandydat u prezidenty Rasii. Samavyłučeniec. Nu, naprykład, Kniazieŭ. I zaklikaje da padziełu dziaržavy. Spakojna — spakojna, heta tolki fantazii.
Pytańnie. Jak by ŭ hetym vypadku pastupili ŭłady? Ź jakoj chutkaściu była b uzbudžanaja kryminalnaja sprava pa artykule «sieparatyzm»? Nazvali b Kniazieva zdradnikam intaresaŭ radzimy, adabrali b u jaho biznes? Kali jon biźniesmien. A kali pracuje na pradpryjemstvie, to zvolnili b jaho z pracy, ci nie?
Voś jašče…
Kali b, naprykład, buraty zachacieli b pravieści refierendum u Buracii. Maŭlaŭ, ci vy chočacie, žychary Buracii, kab Buracija stała samastojnaj dziaržavaj i, u budučyni, dałučyłasia da Manholii? Bo ŭ nas adzin narod, adna kultura, adna relihija. A baraćba za burackuju movu i jaje dziaržaŭny status idzie tak doŭha, što my ŭžo ad hetaha stamilisia. A z manhołami ŭ nas mova praktyčna ahulnaja. A da hetaha refierendumu buraty b vyviesili ŭsiudy ściahi Manholii. Jany b zachapili miascovy budynak MUS, FSB i budynki inšych dziaržaŭnych struktur.
Pytańnie. Rasijskija ŭłady vitali b heta volevyjaŭleńnie burackaha naroda? Vitali b jany stratu ziamli z častkaj Bajkała? Ci nie zajechała b tudy i nie ŭlacieła b tudy rasijskaja armija? I ci nie nazvali b burataŭ sieparatystami i zdradnikami naroda? Spakojna-spakojna. Heta ŭsiaho tolki fantazii.
Voś jašče…
A kali b u Kalininhradzie hrupa niemcaŭ razdavała b hramadzianam Rasii pašparty ź niamieckim hramadzianstvam. A niamiecki ŭrad paabiacaŭ by žycharam Kalininhradskaj ziamli vialikija piensii, adno ź lepšych u śviecie miedycynskaje absłuhoŭvańnie i inšaje. I bolšaść kalininhradcaŭ i bližejšych ziamiel prahałasavali b za dałučeńnie da Hiermanii na refierendumie. A da hetaha b vyviesili b ŭsiudy niamieckija ściahi.
Nie paličyli b ich zdradnikami radzimy, terarystami i sieparatystami? I nie zajechała b tudy, i nie ŭlacieła b tudy rasijskaja armija?
Voś jašče…
A kali b kitajcy ŭzdoŭž miažy z Rasijaj skancentravali by svaje vojski, a žychary rasijskaj terytoryi ŭzdoŭž miežaŭ z Kitajem vykazalisia b za dałučeńnie da Kitaja. A kitajcy b stali kazać pra toje, što chočuć u hetych miescach zrabić kitajskuju movu druhoj dziaržaŭnaj movaj u suviazi z tym, što tam šmat kitajcaŭ. I ŭsiudy by visieli kitajskija ściahi, i narod by rychtavaŭsia b da refierendumu.
Ci nie paličyła b rasijskaja ŭłada hetyja rehijony sieparatysckimi i zdradnickimi?
Možna praciahnuć hety šerah. Kuryły i Japonija, Tatarstan, Čačnia i musulmanski śviet, i h. d. i da t. p.
Čamu ruskija, jakija žyvuć na ŭschodzie Ukrainy, jakija naradzilisia tam, vučylisia tam, tak nie lubiać svaju radzimu Ukrainu? Što pieraškadžała im zrabić žyćcio tam lepš? Ci nie ŭkrainskaja i miascovaja ŭłada? Čamu jany raniej jaje nie pamianiali? Bo jana ich abkradała? I čamu jany nie pajechali adtul raniej, i nie jeduć adtul zaraz kudy-niebudź. Im što, zabaraniali tam havaryć pa- rasiejsku? I jany ŭsio svabodna vałodajuć ukrainskaj? Čamu mienavita ciapier takoje žadańnie ŭvajści ŭ Rasiju? A da lutaha hetaha hoda ŭschod Ukrainy žyŭ lepš? Piensii što, byli bolš? I ŭsie byli ŭsim zadavolenyja pry Janukoviču?
Uvohule, u mianie šmat pytańniaŭ, na jakija ja nie mahu znajści adkazu.
I ŭźnikaje niejkaje adčuvańnie, što mianie čamuści padmanvajuć.
Ale, moža być, heta maja pamyłka.
A vam usio, darahija maje, zrazumieła i jasna.
Budźcie zdarovyja i, usio ž taki, trymajcie siabie ŭ rukach. Ja prašu vas ab hetym užo nie pieršy hod.
