Aŭtaram i vykanaŭcam idei vystupiŭ pres-sakratar futbolnaha kłuba «Homiel» Źmicier Kryštaloŭ. Raniej padobnyja prahramki vychodzili tolki pa-rasiejsku. Na vokładcy byŭ źmieščany słohan «Padtrymajem rodnuju movu».
Prahramku možna było kupić pierad hulnioj za 15 tysiač rubloŭ. Unutry – hutarka ź Vitalom Trubiła, apovied pra mižnarodnyja i biełaruskija kamandy, jakija majuć imia «Dynama», pradstaŭleńnie supiernikaŭ, a taksama naviny dubloraŭ.
Siarod tych, chto dapamahaŭ u vychadzie prahramki na biełaruskaj movie – hramadski aktyvist Ihar Słučak, a taksama supracoŭnik «Našaj Nivy» Źmicier Pankaviec.
Spadziajemsia, što padobnyja prahramki na rodnaj movie buduć źjaŭlacca i inšych biełaruskich kamand.
Varta adznačyć, što ŭ Homieli nie pieršy hod hukavoje supravadžeńnie na stadyjonie viadziecca taksama na biełaruskaj movie.