 |
Jak paviedamiŭ žurnalistam premjer‑ministr Biełarusi Siarhiej Sidorski, «siońnia i zaŭtra pradstaŭniki dziełavych kołaŭ Biełarusi i Karei buduć vieści pierahavory pa hetym pytańni».
Jon padkreśliŭ, što hety vizit biełaruskaj delehacyi ŭ Kareju prachodzić u hod 15‑hodździa ŭstanaŭleńnia dypłamatyčnych adnosin pamiž krainami. Pavodle słoŭ Siarhieja Sidorskaha, stvorana pravavaja baza dla raźvićcia adnosin na vysokim uzroŭni.
Pa vynikach studzienia‑žniŭnia 2007 hoda tavaraabarot dźviuch krain dasiahnuŭ $90,6 młn. i ŭzros u paraŭnańni z adpaviednym pieryjadam minułaha hoda na 95,2 pracenta. U tym liku ekspart biełaruskich tavaraŭ pavialičyŭsia ŭ 2,4 raza i skłaŭ $13,4 młn.
Premjer‑ministr adznačyŭ, što patencyjał uzajemadziejańnia pamiž krainami davoli vialiki. Na jaho dumku, ekanomiki Biełarusi i Karei dapaŭniajuć adna adnu: nie majučy dastatkovych pryrodnych vykapniaŭ, enierhietyčnych resursaŭ, Biełaruś i Kareja budujuć vysokatechnałahičnyja ekanomiki. U jakaści prykładu supracoŭnictva ŭ navukova‑techničnaj śfiery Siarhiej Sidorski pryvioŭ pastaŭki ŭ Kareju paŭpravadnikoŭ, što vyrablajucca biełaruskim NVA «Intehrał».
