«Spadar Prezydent! U svaich pramovach Vy apošnim časam stali vystupać prychilnikam dyjalohu.Ja, jak kiraŭnik kampanii «Eŭrapiejski marš», chaču Vam dapamahčy pierajści ad deklaracyjaŭ da praktyčnaha dziejańnia i, dziela hetaha, patłumačyć niekalki rečaŭ. Vidać pa ŭsim, što 12 prapanovaŭ ES Vy ŭsprymajecie jak ultymatum. Daremna. Eŭropa budzie vieści dyjaloh z tymi kiraŭnikami, jakija prytrymlivajucca demakratyčnych normaŭ pavodzinaŭ. Nu skažycie, kali łaska, jak z Vami razmaŭlać Donaldu Tusku, novamu premjeru Polščy, kali Vy publična zajavili, kali jaho nie puścili ŭ Horadniu: «Dali po mordie i pravilno sdiełali!» Vy takim bačycie dyjaloh? «Po mordie» palityčnym lideram Eŭropy, «po riebram» aktyvistam apazycyi? Kraty i štrafy tym, chto nie zhadžajecca žyć pa kałhasna‑milicejskaj marali? Vidać, Vašy daradcy pužajucca patłumačyć svajmu haspadaru, što takija pavodziny ŭ Eŭropie nazyvajucca dyktaturaj. Vy ŭžo zdoleli pierasilić siabie i ŭziać naš lozunh «Za niezaležnuju Biełaruś». Heta dobra. AMAP užo nie źbivaje manifestantaŭ pałkami. Vielmi dobra. Zrabicie nastupny krok — vyzvalicie ŭsich palitviaźniaŭ, i ŭvieś śviet pavieryć, što Vy možacie pamianiacca ŭ lepšy bok» — napisaŭ u liście V.Ivaškievič.
