Raman Artura Klinava «Miensk. Horad SONca» praciahvaje svajo pieramožnaje šeście pa Jeŭropie. Prezientacyi knihi z udziełam aŭtara adbuducca 7 listapada ŭ Paryžy i 12 listapada ŭ Brusieli ź inicyjatyvy i pa spryjańni «Ofisa za demakratyčnuju Biełaruś» (Brusiel) i asacyjacyi Belprojet (Paryž).
Artur Klinaŭ — viadomy biełaruski mastak, fatohraf i piśmieńnik, vydaviec časopisa «pARTisan». Jaho novy raman — heta aryhinalnaje fiłasofskaje pieraasensavańnie biełaruskaj stalicy. Pavodle Artura Klinava, Miensk — heta mara, jakaja zrabiłasia realnaściu, pryvidny Horad Sonca ŭ Krainie Ščaścia, brama ŭ krainu Utopiju, jakaja tak i nie była pabudavana.
U 2006 h. vydaviectva «Łohvinaŭ» vydała fotaalbom Artura Klinava «Horad SONca». Knihaj zacikaviłasia niamieckaje vydaviectva «Suhrkamp». U vyniku, fotaprajekt pieraros u raman, jaki byŭ vydadzieny na niamieckaj movie ŭ 2006. I voś, paśla paśpiachovaha praryvu ŭ niamieckamoŭnuju litaraturnuju prastoru, «Miensk. Horad SONca» robić pieršyja kroki da anhła‑ i frankamoŭnaha čytača. Upieršyniu publicy buduć pradstaŭleny anhielski i francuzski pierakłady abranych raździełaŭ knihi.
Pa‑biełarusku raman nieŭzabavie maje źjavicca ŭ ramkach sieryi «Kniharnia «Naša Niva».
Paryž
Prezientacyja ramana «Miensk. Horad SONca» ŭ Paryžy raspačnie miesiac biełaruskaj kultury ŭ francuzskaj stalicy. Čytańni z udziełam Artura Klinava i adkryćcio fotavystavy aŭtara adbuducca 7 listapada ŭ 19:00. Miesca praviadzieńnia — kulturny centr Maison d'Europe et d'Orient, raźmieščany pa adrasie 3 passage Hennel, 75012 Paris. Dadatkovuju infarmacyju pra miesiac biełaruskaj kultury ŭ Paryžy možna atrymać pa adrasie [email protected]
Brusiel
U Brusieli Artur Klinaŭ prezientuje vybranyja raździeły svajoj knihi ŭ pierakładzie na anhlijskuju movu. Taksama budzie demanstravacca słajd‑šoŭ fotazdymkaŭ aŭtara. Impreza adbudziecca 12 listapada ŭ 19:00. Miesca praviadzieńnia — Hanse‑Office (pradstaŭnictva Hamburha i fiederalnaj ziamli Šleźvih‑Holštajn u ES). Adras: Avenue Palmerston 20 B‑1000 Brussels. Zarehistravacca da ŭdziełu i atrymać dadatkovuju infarmacyju pra imprezu možna praź sieciŭnuju poštu [email protected]
Prajekt ažyćciaŭlajecca pry dapamozie:
The Office for a Democratic Belarus http://www.democraticbelarus.eu/
belprojet http://www.adeef.org/belprojet/
The Hanse-Office http://www.hanse-office.de/
Perspectives Bielorussiennes http://www.perspectivesbielo.org/
Maison d'Europe et d'Orient http://sildav.ifrance.com/
