Siońnia ŭ Makiejeŭcy sieparatystami abstralany reanimacyjny aŭtamabil.
U vyniku, zachopleny ciažkaparanieny aktyvist «Svabody», davieranaja asoba kandydata ŭ prezidenty Aleha Ciahniboka Alaksiej Dziamko, a taksama lekar, jaki supravadžaŭ jaho. Pra heta paviedamiŭ siabra Danieckaj abłarhanizacyi VA «Svaboda», pieradaje Ostrov.
Pa słovach siabra «Svabody» Alaksieja Dziamko makiejeŭskija miedyki transpartavali ŭ Dniaprapiatroŭsk dla akazańnia miedycynskaj dapamohi ŭ suviazi ź ciažkim kulavym ranieńniem i paškodžańniem chrybietnika. Reanimabil ź lekaram i A. Dziamko byŭ rasstralany sieparatystami na abjaznoj darozie pamiž Danieckam i Makiejeŭkaj (u rajonie pasiołka Hanzaŭka).
U ciapierašni čas pra los paranienaha A. Dziamko i lekara Haliny Ivanovaj ničoha nie viadoma.
U «Svabodzie» taksama paviedamili, što A. Dziamko 8 traŭnia byŭ vykradzieny sieparatystami z ułasnaha doma, a paśla hetaha jaho žorstka źbitaha, z rasporatym žyvatom, znajšli žychary horada na vulicy i dastavili ŭ adnu z balnic Makiejeŭki.
