Jak paviedamiŭ karespandentu «NN» V. Ivaškievič, pamiaškańnia dla praviadzieńnia źjezdu haradzkija ŭłady nie dajuć. Ź inšaha boku kali źjezd nia budzie praviedzieny, źjavicca padstava dla likvidacyi partyi. Tamu sp. Ivaškievič prapanavaŭ haradzkim uładam dazvolić pravieści źjezd Partyi BNF na Kastryčnickaj płoščy Mienska.
Zajaŭka takoha źmiestu i była padadziena siońnia ŭ Mienharvykankam. U joj ukazany čas praviadzieńnia źjezdu 8 śniežnia — ad 9 da 21 hadziny, 9 śniežnia — ad 9‑j da 18 hadziny. Zaplanavanaja kolkaść udzielnikaŭ — da 1.000 čiełaviek.
Viktar Ivaškievič taksama padreśliŭ, što mahčymaść pravieści źjezd za miežami Biełarusi: ŭ Litvie ci Ŭkrainie navat nie razhladajecca.
Nahadajem, što padčas hetaha źjezdu musić prajści vybary staršyni partyi. Ab svaich ambicyjach pakul zajavili dziejučy staršynia Vincuk Viačorka, Viktar Ivaškievič i jašče adzin namieśnik staršyni partyi Aleś Michalevič.