Pa prośbie arhanizataraŭ čempijanatu Jeŭropy pa mastackaj himnastycy ŭ Baku biełaruskaja zbornaja admoviłasia ad muzyki armianskaha kampazitara Arama Chačaturana, paviedamiła hałoŭny trenier kamandy na pres-kanfierencyi ŭ Minsku 1 červienia.
Pavodle jaje słoŭ, paŭhoda zbornaja vystupała pad «Taniec z šablami» Chačaturana, a ciapier u terminovym paradku treniruje inšaje praktykavańnie pad inšuju muzyku. Mienavita hetym, pavodle słoŭ Laparskaj, abumoŭleny nizkija miescy na etapie Kubka śvietu ŭ Minsku pry vykanańni praktykavańnia ź miačami i stužkami. Biełaruskija hrupavički 31 maja zaniali šostaje miesca ŭ mnahaborstvie (druhoje miesca z bułavami i siomaje — ź miačami i stužkami), a na nastupny dzień stali siomymi ŭ praktykavańni ź miačami i stužkami. «Jość za što pałajać, ale bolš — za što paškadavać», — skazała Laparskaja.
30-ty čempijanat Jeŭropy pa mastackaj himnastycy projdzie ŭ Baku 13—15 červienia.
Varožaść pamiž Azierbajdžanam i Armienijaj doŭžycca ŭžo čverć stahodździa.
Vals Arama Chačaturana
