Rejsavy aŭtobus «Maskva — Homiel» ujechaŭ u łaźniu na padvorku ŭ pasiołku Pieramoha Homielskaha rajonu.
DTZ zdaryłasia 11 listapada prykładna ŭ 05.10 na vulicy Centralnaj. Pra zdareńnie BiełaPAN paviedamiŭ vidavočca avaryi, taksist Kanstancin Žukoŭski, abłasnaja Dziaržaŭtainśpiekcyja hety fakt paćvierdziła. Pavodle danych DAI, abyšłosia biez achviar, a pryčyny DTZ vyśviatlaje ŭžo sfarmiravanaja kamisija. Jak zaznačajuć u Dziaržaŭtainśpiekcyi, avaryi sadziejničaŭ mokry śnieh, jaki vypaŭ napiaredadni.
Haspadynia razburanaj łaźni Lilija Fiadotava raskazała karespandentu BiełaPAN, što jana pračnułasia ad huku, padobnaha na vybuch.
«Ja vyjšła z domu i ŭbačyła ŭ svajoj łaźni aŭtobus. Dach pabudovy poŭnaściu źniesieny, usia łaźnia razburana. Spadziajusia, što ŭron budzie pakryty», — zaznačyła Ł.Fiadotava.