Mienavita ŭ takim vyhladzie paŭstaje sinie-žoŭtaja mapa Ukrainy na vokładcy apošniaha numara «Płaniety». Pry hetym padčas telefonnaj razmovy namieśnica hałoŭnaha redaktara Taćciana Muraŭjova nazvała heta… vypadkovaściu:

«My nie pieraśledavali pry stvareńni vokładki palityčnych pytańniaŭ… Ale vy ž razumiejecie, kali b my vybrali inšy varyjant mapy – da nas byli b pytańni, čamu my vybrali jaho. Artykuł pryśviečany kantynientalnaj častcy Ukrainy i nie tyčycca pytańniaŭ Kryma».

Na zaŭvahu nakont mažlivaści dypłamatyčnaha skandała pamiž Kijevam i Minskam, jaki pakul nie pryznaŭ anieksii Kryma RF, spadarynia Muraŭjova adznačyła, što ŭ redakcyi budzie abmierkavany hety momant, kab u budučym być bolš pilnymi.

Nahadajem, što hramadska-palityčny hlancavy časopis «Płanieta», jaki vydajecca AAA «Biełtranshaz», raniej byŭ ruparam aficyjnaj ułady. Jaho redaktaram z 2005 pa 2007 hh. źjaŭlaŭsia adyjozny Usievaład Jančeŭski, daradca prezidenta, načalnik Hałoŭnaha ideałahičnaha upraŭleńnia Administracy prezidenta, kolišni stvaralnik i kiraŭnik BPSM.

«Płanieta» zazvyčaj raspaviadaje pra padziei ŭ śviecie ŭ antyamierykanskim i antyzachodnim rečyščy, nie va ŭsich artykułach paznačajucca aŭtary. Pad artykułam «Kłany Ukrainy» u apošnim numary aŭtarstva taksama nie ŭkazanaje.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?