 Danilo Türk |
Pavodle papiarednich źviestak, u druhim tury prezydenckich vybaraŭ u Słavienii 3 bolš jak 68% hałasoŭ pieramoh Daniła Cirk (Danilo Türk). Jahony supar Ałoiz Peterle pryznaŭ parazu.
Daniła Cirk staŭ trecim prezydentam Słavienii
ad času zdabyćcia joj niezaležnaści ad Juhasłavii ŭ 1991 hodzie.
Cirk — doktar mižnarodnaha prava. Za časami Juhasłavii zajmaŭsia pravami čałavieka, supracoŭničaŭ ź «Mižnarodnaj amnistyjaj». Paśla atrymańnia Słavienijaj niezaležnaści ŭdzielničaŭ u napisańni kanstytucyi krainy. U 90‑ia byŭ pasłańnikam krainy ŭ AAN.
Pieršy prezydent, Miłan Kučan, užo pavinšavaŭ słaviencaŭ z novym prezydentam, jaki, na jahonuju dumku, čałaviek daśviedčany, čujny da sacyjalnych prablem, maje vysokija maralnyja jakaści j zdolny na dyjaloh. «Słavienija atrymała dobraha prezydenta, što harantuje, što kraina budzie raźvivacca ŭ słušnym kirunku», — zajaviŭ jon.
Prezydent u Słavienii vykonvaje pieravažna pradstaŭničyja funkcyi.
