 |
Jak paviedamili BIEŁTA u pres‑słužbie biełaruskaha lidera, dakumient vydadzieny ŭ metach arhanizacyi vykanańnia padrychtoŭčych rabot dla budaŭnictva atamnaj elektrastancyi ŭ Biełarusi, zabieśpiačeńnia jadziernaj i radyjacyjnaj biaśpieki ŭ adpaviednaści z rekamiendacyjami Mižnarodnaha ahienctva pa atamnaj enierhii.
U składzie Ministerstva enierhietyki stvarajecca Dyrekcyja budaŭnictva atamnaj elektrastancyi dla ažyćciaŭleńnia funkcyj zakazčyka pa vykanańniu kompleksu padrychtoŭčych i prajektna‑pošukavych rabot pa budaŭnictvu atamnaj elektrastancyi.
Dla zabieśpiačeńnia funkcyj dziaržaŭnaha rehulavańnia i licenzavańnia ŭ halinie biaśpiečnaha vykarystańnia jadziernaj enierhii, ianizujučaha vypramianieńnia, biaśpiečnaha abychodžańnia z radyjeaktyŭnymi adchodami stvarajecca Departamient pa jadziernaj i radyjacyjnaj biaśpiecy Ministerstva pa nadzvyčajnych situacyjach (Dziaržatamnahlad). Ukazam taksama zaćviardžajecca adpaviednaje Pałažeńnie.
Vykonvać navukovaje supravadžeńnie padrychtoŭki i budaŭnictva AES budzie DNU «Abjadnany instytut enierhietyčnych i jadziernych daśledavańniaŭ — Sosny» NAN Biełarusi.
Hienieralnym prajekciroŭščykam vyznačana RUP «Biełndpienierhapram», jakoje budzie zaklučać na asnovie pierahavoraŭ z padradčykami dahavory na vykanańnie prajektna‑kaštarysnaj dakumientacyi, a taksama dahavory na vykanańnie inžynirynhavych rabot (pasłuh) pa vybary placoŭki budaŭnictva AES, raspracoŭku abhruntavańnia inviestycyj budaŭnictva i tendernaj dakumientacyi.
