Brytanskaje kino dla paspalitych hurmanaŭ.
Jaho nazyvali nadziejaj brytanskaha choraru. Ale jon pamior dačasna. Zabytaja stužka talenavitaha režysera Majkła Ryŭza ź lehiendarnym Barysam Karłafym.
A hałoŭny žartaŭnik ad “Monci Pitonu” Tery Hilijam paraduje ŭsiu siamju chulihanskaj kinafantazijaj.
12 listapada, paniadziełak, TV-21, 23.35; 13 listapada, aŭtorak, TV-21, 07.35
ČARAŬNIKI (Vołšiebniki / The Sorcerers)
Vialikabrytanija, 1967, kalarovy, 84 chv.
Režyser: Majkł Ryŭz
Roli vykonvajuć: Barys Karłaf, Ketryn Łejsi, Jan Ahiłvi, Elizabet Ercy, Viktar Hienry, Śjuzan Džordž, Sali Šerydan, Ajvar Dzin, Alf Džojnt
Žanr: Žudasnaja fantastyka pavodle scenaru Majkła Ryŭza i Toma Bejkiera dyj idei Džona Biorka
Adznaka: 7
Stary prafesar (Barys Karłaf), jakoha vyśmiejvali kalehi, stvaryŭ mašynu, z dapamohaj jakoj možna hipnatyzavać ludziej i na adlehłaści kiravać ichniaju volaj. Razam z žonkaj Esteł (Ketryn Łejsi) jon zaprašaje vypadkovaha maładoha čałavieka “pakaštavać novych pačućciaŭ”. Ale achviara eksperymentu hublaje kantrol nad svaim žyćciom, a staraja pačynaje zabivać čužymi rukami…
Adna z apošnich karcinaŭ Barysa Karłafa – klasyčnaha Frankienštejna j Mumii. U “Čaraŭnikach” jahony hieroj – stanoŭčy persanaž (praŭda, nia zdolny spynić zło). A hierainia Ketryn Łejsi – sapraŭdnaja furyja, jakaja adkryvaje asałodu biespakaranaj ułady.
U karcinie Majkła Ryŭza, jaki pamior maładym, źniamohłaść i zajzdraść staraści ryfmujucca z nudoj j spustošanaściu maładości, stomlenaj seksualnaju revalucyjaj.
Zahipnatyzavany zabojca, jaki prymušaje achviaru śpiavać na ciomnych vulicach, čužyja žesty j strata pamiaci, pahoni, skryŭleny tvar niaščasnaj staroj... U filmie mała admysłovych efektaŭ, ale šmat napružanaha čakańnia j psychalahičnych niuansaŭ.
Karcina na 13 hadoŭ apiaredziła “Skaneraŭ” Dejvida Kronenberha.
13 listapada, aŭtorak , TV-21 13:25 21:25; 14 listapada, sierada, TV-21 05:25
BANDYTY ČASU (Bandity vriemieni / Time Bandits)
Vialikabrytanija, 1981, kalarovy, 107 chv.
Režyser: Tery Hilijam
Roli vykonvajuć: Džon Kliz, Šon Konery, Šery Dziuvał, Ketryn Hełmand, Jan Hołm, Majkł Palin, Ralf Ryčardsan
Žanr: Fantazijnyja pryhody dla siamiejnaha prahladu
Pryzy: Naminacyi na premiju “Saturn” za najlepšuju režysuru, najlepšy scenar, najlepšyja admysłovyja efekty, prezyenckaja premija “Saturn”, naminacyja za najlepšy film na MKF Fantasporta – usiaho 8 premij i 1 naminacyja
Adnojčy ŭ spalni maleńkaha Kievina adčyniajucca dźviery – i adtul vyvalvajucca karliki bandyckaha vyhladu, jakija zaciahvajuć chłopca ŭ svaje pryhody. Chieŭra na čale z avanturnikam Rendałam vandruje pa prastory j časie, vykarystoŭvajučy skradzienuju mapu čornych dzirak. Histaryčnyja persanažy, siarod jakich jość Ahamiemnan (Šon Konery) i Napaleon (Jan Hołm) – buduć vielmi niezadavolenyja, čaho nielha skazać pra hledačoŭ…
