Pra heta napisaŭ u svaim błohu na sajcie «Biełaruskaha partyzana» Ihar Drako — tvar kampanii «Havary praŭdu» (jak paznačana na sajcie kampanii). U 2010 h. jon byŭ kiraŭnikom vybarčaha štaba kandydata ŭ prezidenty Alesia Michaleviča.

«Ekśpiertnaja, apazicyjnaja i praŭładnaja publika «siniavokaj» jak by zanadta «napružvajecca» adnosna cełasnaści Ukrainy. Dziŭna. Jak byccam nie zaŭvažajuć pierśpiektyŭ, jakija adkryvajucca pierad nami, kali budzie nie adna Ukraina, a ich budzie, skažam, try: ułasna Ukraina, Navarosija i Haliččyna, — piša Drako, bo dumaje jestupnym čynam. — Adbudziecca pasłableńnie haspadarčych adnosin na terytoryi raniejšaj Ukrainy, i Biełaruś zmoža zaniać adkrytyja na novych rynkach nišy».

Drako bieź pijetetu piša pra demakratyju.

«Prajeŭrapiejski abo praamierykanski ŭrad zamacujecca, chutčej za ŭsio, tolki ŭ «kijeŭskaj» Ukrainie, Navarosija i Haličyna abyducca biez bałbatni ab demakratyi i pravach čałavieka. Značyć, Zachad budzie vymušany šukać mahčymaści dla naładžvańnia partniorskich adnosin ź Biełaruśsiu», — tak čamuści dumaje Drako.

«Biełaruś stanovicca važnym rehijanalnym hulcom. Pry takim raskładzie fantazii ab trecim šlachu (Bałta-Čarnamorski sajuz, adradžeńnie VKŁ i h.d) mohuć stać realnaściu. Chaj Navarosija budzie prarasijskaja, ale «kijeŭskaja» Ukraina ŭsio-tki zachavaje za saboj vychad da Čornaha mora (Haliččyna, zrazumieła, u «pralocie», jana tak i zastaniecca suchaputnaj i ahrarnaj)», — ujaŭlaje jon.

«Viadoma, Litva jak siabra Jeŭrasajuza budzie zaminać pracy, ale — ništo nie viečna pad miesiacam, Jeŭrasajuz u tym liku, a sama Litva — ekanamičny i palityčny karlik, tamu nikudy nie dzieniecca i dałučycca da budaŭnictva ŭmoŭnaha VKŁ na pravach «małodšaha partniora». Centr novaha ŭtvareńnia, zrazumieła, pavinien być u Miensku, bo Kijeŭ, jak pakazvaje historyja 23 hadoŭ niezaležnaści Ukrainy, nie zdolny być centram, tam spres atamany i hietmany, a nie dziaržaŭnyja mužy», — tut Drako paŭtaraje prapahandysckija štampy rasijskich nacyjanalistaŭ.

Biełaruskaja dziaržava, miarkuje Drako, «jak i ŭsiakaja inšaja dziaržava, pavinna macavać svaju mahutnaść za košt pasłableńnia susiedziaŭ».

«Miarkuju, što plusy ad padziełu Ukrainy dla Biełarusi ŭžo apisany ŭ ahulnych rysach śpiecyjalistami z administracyi Alaksandra Łukašenki. Inšaja sprava, što ni jany, ni sam Łukašenka nie mohuć u ciapierašnich umovach publična kazać pra takija rečy: treba ž padabacca Zachadu i kijeŭskaj uładzie jak jaho pravadniku. Nu, a jak tolki Ukraina pasyplecca, tut płany biełaruskich stratehaŭ vyjduć u publičnuju prastoru», — dumaje Drako.

Клас
Панылы сорам
Ха-ха
Ого
Сумна
Абуральна