Nieviadomyja ŭ kamuflažy i z aŭtamatami zachapili ŭ horadzie Krasnadon Łuhanskaj vobłaści budynak Słužby biaśpieki Ukrainy (SBU), paviedamiła ŭ subotu na svajoj staroncy ŭ Facebook pradstaŭnik HUMVD Ukrainy ŭ Łuhanskaj vobłaści Taćciana Pahukaj.
Krasnadon znachodzicca ŭ paŭdniova-ŭschodniaj častcy Łuhanskaj vobłaści, u 30 kiłamietrach ad Łuhanska.
«Unačy 20 uzbrojenych aŭtamatyčnaj zbrojaj ludziej, apranutych u kamuflaž, u maskach, paškodziŭšy zamak na ŭvachodnych dźviarach pamiaškańnia Krasnadonskaha USBU, zachapili budynak. Z pamiaškańnia vykrali majomaść, jakaja znachodzicca na bałansie USBU», — paviedamiła Pahukaj.
Pavodle jaje infarmacyi, uzbrojenyja ludzi praciahvajuć znachodzicca ŭ budynku SBU.
0
0
0
0
0
0
