U Rasii nie zmahli zapuścić novuju rakietu-nośbit «Anhara» z kasmadroma «Plasieck». Ab hetym piša RIA Naviny.
Zapusk «Anhary» pakazvali ŭ žyvym efiry padčas telemosta z prezidentam Uładzimiram Pucinym.
U raźlikovy čas rakieta nie startavała. Krychu paźniej kamientatar abviaściŭ, što pieršy vyprabavalny zapusk «Anhary» pieraniesieny na reziervovuju datu — 28 červienia.
Pavodle jaho słoŭ, aŭtamatyka admianiła zapusk pa techničnych pryčynach.
Pucin daručyŭ praz hadzinu dałažyć jamu pra pryčynu admieny zapusku.
Uvod «Anhary» u ekspłuatacyju pavinien dazvolić Rasiei biez zabrudžvańnia atmaśfiery vyvodzić na arbitu spadarožniki ŭsich typaŭ sa svajoj terytoryi, zabiaśpiečvajučy krainie niezaležny harantavany dostup ŭ kaśmičnuju prastoru.
«Anhara» całkam sprajektavana i vyrablena kaapieracyjaj rasijskich pradpryjemstvaŭ, jakija znachodziacca na terytoryi Rasii.
Puski rakiet u intaresach Minabarony i Roskosmosa buduć ažyćciaŭlacca c kasmadroma «Plasieck», jaki taksama znachodzicca na terytoryi RF.