Rasijski partał LifeNews apublikavaŭ dakumient, jaki nibyta byŭ znojdzieny paśla boju sieparatystaŭ z ukrainskimi siłavikami. U im pryviedzienaja instrukcyja, u jakoj havorycca pra toje, jak možna vyjavić rasijskich dyviersantaŭ.

Źniešni vyhlad i asablivyja prykmiety:

- Na vyhlad 25-45 hadoŭ;

- Spartovy ciełaskład (vajennaja vypraŭka);

- Adsutnaść lišniaj vahi;

- Miakkaja chada;

- Vopratka niejtralnych tonaŭ (moža być nie pa siezonie, ciaplejšaja, čym nieabchodna, jakaja nie pieraškadžaje ruchacca, bližej da spartyŭnaha stylu);

- Moža mieć spartyŭny zaplečnik ci sumku na ramiani;

- Moža mieć šmatfunkcyjanalny hadzińnik spartyŭnaha stylu (moža pakazvać nie kijeŭski čas);

- Najaŭnaść dvuch mabilnych telefonaŭ, adzin - abaviazkova smartfon z elemientami małaviadomaha prahramnaha zabieśpiačeńnia; moža taksama mieć racyju;

- Moža mieć šmatfunkcyjanalny nož ci lichtar, kartu miascovaści, pradukty ci cyharety z rasijskaj markiroŭkaj (štrych-kod 46);

- Abutak spartyŭny abo ŭ styli military (vysokija boty);

- Asoba moža być z zaharam ŭ rajonie vačej z-za našeńnia bałakłavy;

- Ruki i palcy mohuć być brudnymi sa śladami kremu; jak praviła, adsutničajuć juvielirnyja ŭpryhožvańni;

- Źbityja abo defarmavany fałanhi palcaŭ (nastupstvy adpracoŭki udaraŭ);

- Ściortaja skura na ŭnutranaj pavierchni ŭkazalnaha palca pravaj ruki (nastupstvy pastajannaha kantaktu z aŭtamatyčnaj zbrojaj);

- Moža mieć pašpart abo inšyja dakumienty z prapiskaj u pryhraničnych rajonach Rasii, ci Respubliki Krym na terytoryi vajskovaj častki.

- Pry dahladzie asablivuju ŭvahu nieabchodna nadavać halonkam noh, ramianiam, kiściam ruk na pradmiet utojvańnia chałodnaj abo ahniastrelnaj zbroi.

Madel pavodzinaŭ:

- Ruchajecca chutka i biasšumna;

- Paźbiahaje vizualnaha kantaktu z sustrečnymi i imkniecca trymać dystancyju nie mienš za mietr;

- Pry znosinach sočyć za rukami surazmoŭcy i časta pieranosić pohlad źvierchu ŭniz i kantraluje nohi subiasiednika z metaj praduchilić mahčymy ŭdar ci zachop;

- Drenna aryjentujecca na miascovaści, nie viedaje nazvaŭ susiednich vulic i nasielenych punktaŭ;

- Moža mieć značnyja sumy hrošaj.

Mova:

- Drenna razumieje značeńnie ŭkrainskich słoŭ, časam sprabuje prademanstravać vałodańnie ukrainskaj movaj, ale maje akcent;

- Pry razmovie na ruskaj movie jaho havorka adroźnivajecca akcentam;

- Časta ŭžyvaje słovy z vajennaha słenhu (hrupa, baza, kropka, abjekt, centr, maršrut, kaardynaty), vykarystoŭvaje karotkija frazy.

Miesca znachodžańnia i maršruty i sposaby pieramiaščeńnia:

- Hrupa składajecca z troch padhrup kolkaściu try čałavieki kožnaja i kamandzira;

- Adzinkavyja pieramiaščeńni na vialikija adlehłaści vykarystoŭvajucca redka; u takich vypadkach jon moža znachodzicca na vialikaj adlehłaści ad nasielenych punktaŭ i spyniać spadarožny transpart;

- Časta vykarystoŭvaje čyhunačny transpart (hruzavyja ciahniki, pryharadnyja elektryčki i časam pasažyrskija ciahniki);

- Vykarystoŭvaje aŭtatranspart: furhony, fury, inšy hruzavy transpart i mikraaŭtobusy; na miescy vykarystoŭvaje, jak praviła, usiezadarožniki abo mikraaŭtobusy;

- Pražyvaje ŭ kvatery na 1-3-m pavierchach abo ŭ pryvatnych damach;

- Moža vydavać siabie za pradstaŭnikoŭ rasijskich ŚMI, małaviadomych zamiežnych infarmahienctvaŭ, naziralnikaŭ SND abo inšych mižnarodnych struktur;

- Padčas padrychtoŭki akcyj zavodzić kantakty ź miascovymi aktyvistami.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?