Pytańnie pierachodu na zimovy čas u Biełarusi razhladać pakul nie płanujecca, paviedamili ŭ Dziaržstandarcie, kamientujučy ŭchvaleny Rasijaj zakonaprajekt, jaki viartaje zimovy čas. Rasija pieraviadzie strełki 26 kastryčnika 2014 hoda.
Rašeńnie ab źmianieńni paradku vyličeńnia času ŭ Biełarusi prymajecca ŭradam. «Dla vypracoŭki ŭzhodnienych pazicyj i rekamiendacyj funkcyjanuje mižhalinovaja kamisija času, častaty i vyznačeńnia paramietraŭ viarčeńnia Ziamli, u skład jakoj uvachodziać pradstaŭniki roznych zacikaŭlenych orhanaŭ dziaržkiravańnia i ŭstanoŭ (Ministerstva achovy zdaroŭja, Mintransa, Minenierha, Nacyjanalnaj akademii navuk i inš.).
Takim čynam, u respublicy jość miechanizmy, jakija dajuć mahčymaść, u vypadku nieabchodnaści, kalehijalna vypracoŭvać i prymać abhruntavanyja i ŭzvažanyja rašeńni pa hetym pytańni z ulikam ekanamičnych i sacyjalnych aśpiektaŭ», - rastłumačyli ŭ Dziaržstandarcie.
Biełaruś admoviłasia ad pierachodu na siezonny čas u 2011 hodzie.
Heta rašeńnie było pryniata pastanovaj Savieta Ministraŭ ad 15 vieraśnia 2011 hoda numar 1229 z metaj zabieśpiačeńnia na terytoryi respubliki ŭzhodnienaha ź dziaržavami - udzielnicami Mytnaha sajuza vyličeńnia času, a taksama poŭnaha vykarystańnia śvietłaha času sutak, palapšeńnia ŭmoŭ pracy i adpačynku nasielnictva respubliki. Z 2011 hoda admianiła siezonny pieravod strełak i Rasija.
