Prezident Ukrainy Piatro Parašenka paabiacaŭ nie vykarystoŭvać avijacyju i ciažkuju artyleryju ŭ Daniecku.
ria.ru
Pra heta na pres-kanfierencyi raspavioŭ mer horada Alaksandr Łukjančanka.
«Prezident paabiacaŭ, što ŭ Daniecku nie buduć prymianiacca takija mietady, jak u Słaviansku, Kramatorsku i Łuhansku», — skazaŭ Łukjančanka.
Vykarystańnie ciažkich uzbrajeńniaŭ moža abiastočyć miljonny horad, što ŭ svaju čarhu moža spynić pradpryjemstvy i pryvieści da ekałahičnaj katastrofy.
Pa słovach mera Daniecka, u sustrečy z Parašenkam taksama braŭ udzieł deputat ad Partyi rehijonaŭ Barys Kaleśnikaŭ.
Raniej Rada nacyjanalnaj biaśpieki i abarony Ukrainy zajaŭlała, što ŭkrainskija vajskoŭcy majuć namier nie šturmavać, a błakavać Danieck i Łuhansk.
Adnačasova siońnia Parašenka prapanavaŭ pravieści čarhovyja pieramovy z Rasijaj pry ŭdziele ABSIE ŭ Śviatahorskaj łaŭry na Danbasie. Jana raźmieščana na poŭnačy Danieckaj vobłaści i kantralujecca ŭkrainskimi vojskami.
