Jeŭrapiejski Sajuz šakavany abstavinami trahiedyi z małazijskim samalotam i kaža pra nieabchodnaść nieadkładnaha mižnarodnaha rasśledavańnia.
Pra heta havorycca ŭ zajavie Viarchoŭnaha pradstaŭnika ES pa pytańniach źniešniaj palityki i biaśpieki Ketryn Eštan.
«My šakavanyja paviedamleńniami pra abstaviny trahičnaj straty rejsa Malaysian Airlines na šlachu z Amsterdama ŭ Kuała-Łumpur na terytoryi Ukrainy i stratami stolkich žyćciaŭ. Našy dumki z tymi, čyje svajaki i siabry byli na borcie «, — skazana ŭ zajavie.
«Abstaviny pavinny być vyśvietlenyja biez zatrymak, a mižnarodnaje rasśledavańnie pavinna pralić śviatło na hetuju trahiedyju. My zaklikajem ŭsie baki ŭ rehijonie, dzie adbyłosia padzieńnie, zabiaśpiečyć poŭny dostup da miesca, nieadkładna ŭziać jaho pad achovu, u poŭnaj miery supracoŭničać i abmieńvacca ŭsioj nieabchodnaj infarmacyjaj», — skazała jana.
U suviazi z hetym Viarchoŭny pradstaŭnik adznačyła, što «heta — jašče adzin prykład taho, čamu tak terminova nieabchodna pakłaści kaniec hetamu kanfliktu».
«Nie nazyvajučy zahadzia, što stała pryčynaj katastrofy, my zaklikajem usie baki spynić biessensoŭnuju hibiel ludziej va Uschodniaj Ukrainie, ustrymlivacca ad lubych eskałacyjnych dziejańniaŭ i pahadzicca na nieadkładnaje spynieńnie ahniu», — zajaviła Eštan.
