U Łuhanskaj vobłaści lvoŭskija desantniki 80-j asobnaj aeramabilnaj bryhady źniščyli kałonu terarystaŭ, jakaja ruchałasia z boku horada Suchadolski ŭ Łuhansk.
Ab hetym karespandentu UNIAN zajaviŭ kiraŭnik hramadskaj arhanizacyi Hramadzianskaja inicyjatyva «Prava sprava» Dźmitryj Śniehiroŭ.
Pavodle jaho słoŭ, infarmacyja atrymana niepasredna ź miescaŭ padziei členami jaho hramadskaj arhanizacyi, a taksama ad ukrainskich vajskoŭcaŭ.
«Unačy 1 žniŭnia 80-ja asobnaja aeramabilnaja bryhada lvoŭskich desantnikaŭ, što abaraniałaŁuhanski aeraport, dziakujučy raźviedźviestkam, atrymanych ad infarmhrupy «Prava sprava», znoŭ źniščyła vialikuju kałonu bajevikoŭ, jakaja nakiroŭvałasia ad h. Suchadolski da h. Łuhanska», - raspavioŭ Śniehiroŭ. Jon adznačyŭ, što ŭkrainskija vajskoŭcy zrabili zasadu, i ŭ vyniku ŭdała praviedzienaj apieracyi źniščyli 7 tankaŭ praciŭnika, 5 BTRaŭ, 3 ŭstanoŭki «Hrad» i kala 7 mašyn z bojeprypasami.
«Straty bajevikoŭ taksama skłali kala 120-150 čałaviek», - dadaŭ Śniehiroŭ.
