Alaksandr Łukašenka papiaredžvaje, što ŭ vypadku adsutnaści na śvinakompleksach nieabchodnych mier pa bijałahičnaj abaronie ad afrykanskaj čumy śviniej, da vinavatych buduć prymianiacca samyja žorstkija miery, až da kryminalnaj adkaznaści.
Pra heta siońnia A. Łukašenka zajaviŭ na naradzie ŭ Minsku.
«Ja ŭžo papiaredžvaŭ kiraŭnikoŭ, jakija za heta adkazvajuć, i ŭrad, što skončycca tydzień i my pačniem reahavać u ramkach kryminalnych spraŭ na hetuju prablemu. Buduć zroblenyja drakonaŭskija zachady ŭ dačynieńni da adkaznych», — padkreśliŭ jon.
Alaksandr Łukašenka zapatrabavaŭ, kab kiraŭniki ŭsich uzroŭniaŭ maksimalna surjozna pastavilisia da hetaha pytańnia i arhanizavali na śvinakompleksach prapuskny režym, «jak na jadziernym abjekcie».
Razam z hetym kiraŭnik dziaržavy nahadaŭ ab nieabchodnaści da kanca hoda adnavić abjomy pahałoŭja i śvininy.
