Arhanizatary maršu za fiederalizacyju Sibiry padali ŭ meryju Novasibirska zajaŭku na praviadzieńnie šeścia i mitynhu «Za niepachisnaść kanstytucyjnaha ładu, u pryvatnaści za zachavańnie dziaržavaj pryncypu fiederalizmu». Źmianiŭšy tematyku akcyi, jany paskardzilisia ŭ prakuraturu na admovu meryi ŭzhadnić marš.
Čynoŭniki admovilisia ŭzhadnić praviadzieńnie ŭ Novasibirsku maršu za fiederalizacyi Sibiry, bo jon, na ich dumku, pahražaŭ by «niepachisnaści kanstytucyjnaha ładu, terytaryjalnaj cełasnaści i suvierenitetu RF».
Z ulikam pazicyi ŭładaŭ arhanizatary maršu vyrašyli pravieści akcyju «za niepachisnaść kanstytucyjnaha ładu, u pryvatnaści za zachavańnie dziaržavaj pryncypu fiederalizmu, zamacavanaha ŭ art.1 i 5 Kanstytucyi RF». U meryju padadziena paviedamleńnie pra udzieł u šeści i mitynhu 350 čałaviek, napisali jany ŭ sacyjalnaj sietcy «Vkontaktie».
V.a. hubiernatara Novasibirskaj vobłaści Uładzimir Haradziecki paviedamiŭ 5 žniŭnia, što jon nie padtrymlivaje asnoŭnyja tezisy maršu. «Pa tych zajavach, jakija hučać, užo nie viedaju, naŭprost ad arhanizataraŭ abo ŭskosna, miarkuju, što nie zusim adpaviadajuć pazicyi hetaha maršu nam, ładu našaha žyćcia», — rastłumačyŭ čynoŭnik žurnalistam.
Niezadavolenyja admovaj va ŭzhadnieńni maršu arhanizatary padali ŭ prakuraturu zajavu ab najaŭnaści ŭ dziejańniach Novasibirska čynoŭnikaŭ złačynstva, praduhledžanaha art. 149 KK RF (pieraškoda praviadzieńniu schodu, mitynhu, šeścia). Namieśnik mera Hienadź Zacharaŭ, tłumačačy im, čamu maršyravać za fiederalizacyi Sibiry nielha, adznačyŭ, što «pravy čałavieka i hramadzianina mohuć być abmiežavanyja ŭ toj miery, u jakoj heta nieabchodna ŭ metach abarony asnoŭ kanstytucyjnaha ładu i zabieśpiačeńnia biaśpieki dziaržavy».
