Źniešni dziaržaŭny doŭh Biełarusi na 1 lipienia 2014 hoda vyras da 13,4 młrd. dołaraŭ ZŠA, ci 18,3% da VUP pry parohavym značeńni 25% da VUP.
Ab hetym havorycca ŭ infarmacyi Ministerstva finansaŭ ab pakazčykach ekanamičnaj biaśpieki pa dziaržaŭnym doŭhu.
Na 1 studzienia 2014 hoda źniešni dziarždoŭh składaŭ 12,4 młrd. dołaraŭ ZŠA, ci 17,4% da VUP.
Pavodle danych Minfina, unutrany dziaržaŭny doŭh na 1 lipienia 2014 hoda skłaŭ 40,1 trłn. biełaruskich rubloŭ, ci 5,5% da VUP pry parozie nie bolš jak 20% da VUP. Pry hetym na pačatak hoda ŭnutrany dziarždoŭh składaŭ 35,7 trłn. rubloŭ, ci 5,4% da VUP.
Płaciažy pa absłuhoŭvańni dziaržaŭnaha doŭhu na 1 lipienia 2014 hoda skłali 6,2% da dachodaŭ respublikanskaha biudžetu i 8,2% da valutnaj vyručki pry parohavym značeńni 10%. Na 1 studzienia 2014 hoda hetyja suadnosiny składali 5,0% i 5,6% adpaviedna.
