Chłopcy, jakich šukała milicyja, nie tyja.
Incydent adbyŭsia kala hadziny nočy nasuprać doma 3 pa vuł. Mirašničenki ŭ Minsku 2 žniŭnia.
Kampanija maładych ludziej (5 chłopcaŭ i 3 dziaŭčyny) pasvaryłasia z maładoj siamiejnaj paraj, jakaja prahulvałasia pa plažy sa svajoj kampanijaj. Kanflikt pieraros u bojku.
U vyniku 23-hadovy minčuk atrymaŭ ciažkija cialesnyja paškodžańni ŭnutranych orhanaŭ.
Na mužčynu nakinulisia čaćviora chłopcaŭ, jakija potym źbiehli. Razam ź imi paśpiašalisia źniknuć ich «siabry», jakija ŭ hety momant stajali pobač. Žonka minčuka surjozna nie paciarpieła.
Supracoŭniki kryminalnaha vyšuku HUUS i Savieckaha RUUS vyśviatlajuć, chto hetyja chulihany. Ich prykładny ŭzrost 18—23 hady. Adzin ź ich mocnaha ciełaskładu, rost kala 165 sm.
Astatnija chłopcy vyšejšyja za jaho (175—185 sm) i chudarlavyja.
U kampanii padazravanych taksama byli try dziaŭčyny, na rovarach. U adnoj ź ich farbavanyja ŭ bieły koler vałasy.
Siońnia ranicaj staličnaja milicyja raspaŭsiudziła fotazdymki chłopcaŭ, jakija trapili ŭ kamiery videanazirańnia kala miesca zdareńnia.
Jak paviedamili ŭ Minskim HUUS, asoby hetych chłopcaŭ užo vyśvietleny — ich dačynieńnie da bojki nie paćvierdziłasia.
Supracoŭniki milicyi praciahvajuć kompleks mierapryjemstvaŭ, nakiravany na
vyśviatleńnie asob, što mieli dačynieńnie da źbićcia minčuka na bierazie Cnianskaha vadaschovišča 2 žniŭnia kala hadziny nočy,
i prosiać adhuknucca mahčymych śviedak taho, što adbyłosia. Kantaktnyja telefony: 8-017-200-60-36, 8-033-635-71-89, 8-029-356-02-02.
