Na pres-kanfierencyi 8 žniŭnia premjer-ministr Ukrainy Arsienij Jacaniuk zajaviŭ, što ŭrad zaćvierdziŭ prajekt zakona ab sankcyjach.
U prajekt uvajšli 26 vidaŭ abmiežavańniaŭ, u pryvatnaści, zamarožvańnie aktyvaŭ, zabarona dziejnaści, zabarona na karystańnie licenzijami, pryvatyzacyi, tranzitu ŭsich vidaŭ resursaŭ, praviadzieńnie pravierki finansavych apieracyj i h.d.
«Ja skazaŭ ab usich sankcyjach, u tym liku ab spynieńni lubych vidaŭ tranzitaŭ: jak avijapieralotaŭ, tak i enierharesursaŭ», — zajaviŭ kiraŭnik ukrainskaha ŭrada.
U čorny śpis, składzieny ŭładami Ukrainy, uklučany 172 hramadzianina i 65 kampanij. Jacaniuk zajaviŭ, što ŭ śpis patrapili fizičnyja asoby i kampanii «pieravažna rasijskaj ułasnaści i rasijskaj rezidentury», jakich Kijeŭ abvinavačvaje ŭ padtrymcy i finansavańni teraryzmu.
Premjer miarkuje, što ŭkrainski parłamient prymie zakon ab antyrasijskich sankcyjach ŭ aŭtorak, 12 žniŭnia.
RBK nahadvaje, što ŭkrainski bok nieadnarazova zajaŭlaŭ pra hatoŭnaść zabiaśpiečyć nadziejny tranzit rasijskaha hazu, jaki praź jaje terytoryju dastaŭlajecca jeŭrapiejskim spažyŭcam.
