Z 13 žniŭnia 2014 hoda staŭka refinansavańnia Nacyjanalnaha banka źnižajecca na 0,5 pracentnaha punkta i ŭstanaŭlivajecca na ŭzroŭni 20 pracentaŭ hadavych, paviedamili ŭ Nacbanku.
Rašeńnie ab źnižeńni staŭki refinansavańnia, pryniataje praŭleńniem Nacyjanalnaha banka, hruntujecca na pradaŭžeńni ŭ lipieni spryjalnych tendencyj u hrašova-kredytnaj śfiery krainy. Na ŭnutranym valutnym rynku prapanavańnie zamiežnaj valuty pieravyšaje popyt na jaje, nazirajecca prytok rublovych układaŭ fizičnych asob u bankach.
«Niahledziačy na čakanaje źnižeńnie ŭzroŭniu pracentnych stavak na kredytna-depazitnym rynku z pryčyny źnižeńnia staŭki refinansavańnia, uzrovień dachodnaści rublovych depazitaŭ pa-raniejšamu budzie nie tolki pieravyšać dachodnaść depazitaŭ u zamiežnaj valucie, ale i zabiaśpiečvać nadziejnuju achovu źbieražeńniaŭ ad inflacyi», — padkreślili ŭ Nacbanku.
Apošni raz staŭka refinansavańnia ŭ Biełarusi źnižałasia 16 lipienia na 1 pracentny punkt da 20,5 pracenta hadavych.
Z pačatku hoda heta ŭžo čaćviortaje pa liku źnižeńnie staŭki refinansavańnia.
