Siońnia pytańni haspadarčaj dziejnaści SP ZAT «Miłavica» byli razhledžany na naradzie va ŭradzie pad staršynstvam premjer-ministra Michaiła Miaśnikoviča.
Pavodle słoŭ premjera, z roznych krynic (u tym liku z boku Kamiteta dziaržaŭnaha kantrolu) pastupaje infarmacyja, jakaja śviedčyć ab tym, što stan spraŭ kampanii vyhladaje «niekalki tryvožna», a pakolki dziejnaść «Miłavicy» asacyirujecca ź biełaruskaj ekanomikaj, urad nie moh nie zreahavać na heta. «Na pradpryjemstvie pracuje davoli vialikaja kolkaść našych hramadzian, i my pavinny hladzieć za hetymi pytańniami. U pryvatnaści, kab razumieć, jak vyhladajuć pierśpiektyvy hetaha pradpryjemstva», - rastłumačyŭ Michaił Miaśnikovič. Pavodle jaho słoŭ, urad zacikaŭleny ŭ tym, kab takoje brendavaje pradpryjemstva, jak «Miłavica», pracavała stabilna.
Havoračy ž ab tym, što kankretna vyklikaje zaniepakojenaść, premjer adznačyŭ pierš za ŭsio najaŭnaść vialikich abjomaŭ hatovaj pradukcyi na składach «Miłavicy» i źnižeńnie ekspartu.
«Dla nas ekspart — heta nie tolki vyniki dziejnaści subjekta haspadarańnia, ale i pytańnie valutnaj vyručki, — skazaŭ Michaił Miaśnikovič. — Asabliva aktualny jon na fonie stabilizacyi płaciežnaha bałansu krainy». Taksama, niahledziačy na davoli surjoznuju madernizacyju, jakaja praviedziena na pradpryjemstvie, jość niekatoraje źnižeńnie vyručki na adnaho pracujučaha.
Jašče adno pytańnie, jakoje abmiarkoŭvałasia siońnia, — heta ruch akcyjaniernaha kapitału.
Jak zapeŭniŭ žurnalistaŭ paśla narady hienieralny dyrektar SP ZAT «Miłavica» Normund Ozalińš, spravy ŭ kampanii ŭ cełym iduć niadrenna. «U nas cudoŭny ekanamičny stan kampanii: pieraličeńni ŭ fond dziaržavy ŭ vyhladzie padatkaŭ i zboraŭ za pieršaje paŭhodździe składajuć 100,6 pracenta da ŭzroŭniu anałahičnaha pieryjadu 2013 hoda, rentabielnaść vyrasła na 4,6 pracenta.
Praz tydzień u majoj rodnaj Łatvii adkryvajecca pieršy firmienny mahazin «Miłavicy», da kanca hoda źjaviacca jašče čatyry. Taksama ŭ minułym miesiacy adkryŭsia mahazin u Izraili», — raskazaŭ kiraŭnik «Miłavicy».
Z pačatku hoda kampanija zaklučyła dzieviać novych kantraktaŭ z partniorami ŭ Amierycy, Mieksicy, Izraili i šerahu inšych krain.
Razam z tym apošnija padziei ŭ śviecie (u pryvatnaści devalvacyja valut u Rasii i Kazachstanie, situacyja va Ukrainie) nie mahli nie paŭpłyvać na vyniki ekanamičnaj dziejnaści kampanii.
Za I paŭhodździe ekspart «Miłavicy» skaraciŭsia na 20 pracentaŭ.
Ciapier, pavodle słoŭ hiendyrektara, situacyja pačynaje naładžvacca. U dalejšym vyraŭnavać jaje kampanija płanuje za košt pieraaryjentacyi prodažaŭ - budzie skaračacca opt i naroščvacca roźnica. Heta taksama daść mahčymaść skaracić kolkaść padrobak pradukcyi, adznačyŭ Normund Ozalińš, pakolki heta bolš charakterna mienavita dla aptovych prodažaŭ.
«Što ž datyčycca składoŭ, to ŭ peŭnaj stupieni rost ich abjomaŭ abumoŭleny siezonnaściu niekatoraj pradukcyi (naprykład kupalnikaŭ), — rastłumačyŭ kiraŭnik kampanii. — Ciapier my płanujem na try tydni pajści ŭ vodpusk, za hety čas składy z 236 pracentaŭ skarociacca da 158 pracentaŭ, a heta narmalny pakazčyk».
SP ZAT «Miłavica» źjaŭlajecca adnym z bujniejšych vytvorcaŭ harsetnych vyrabaŭ va Uschodniaj Jeŭropie. Pradukcyja kampanii pradajecca ŭ 25 krainach śvietu.
