 Donald Tusk |
«Ja prainfarmavaŭ rasiejski bok, što Polšča zdymaje svaje piarečańni pa hetych pieramovach, — skazaŭ Donald Tusk. — Meta hetaha kroku — stvaryć umovy dla palapšeńnia rasiejska‑polskich stasunkaŭ».
Polski premjer taksama zajaviŭ, što jaho kraina nia budzie piarečyć ustupleńniu Rasiei ŭ Suśvietnuju handlovuju arhanizacyju.
Pry kancy traŭnia prezydent Lech Kačyński vystupiŭ z zajavaj, u jakoj paviedamiŭ pra blakavańnie Polščaj pieramovaŭ pamiž EZ i Maskvoj ab ustupleńni Rasiei ŭ SHA praz prablemy vakoł embarha na pastaŭki polskaha miasa ŭ Rasieju.
Rasieja źviała zabaronu na impart miasa i miasnyz praduktaŭ z Polščy ŭ kancy 2005 h., źvinavaciŭšy partnioraŭ ŭ nievykanańni sanitarna‑hihijeničnych normaŭ i pieraprodažy miasa z trecich krain pad vyhladam polskaha.
Varšava zajaŭlała, što pradukcyja polskich zavodaŭ adpaviadaje normam Eŭraźviazu, a embarha nosić palityčny charaktar. Hetaje pahadnieńnie Rasiei i EZ ab partniorstvie i supracoŭnictvie skančajecca 1 śniežnia.
U pačatku listapada Rasieja i Polšča dasiahnuli damoŭlenaści ab pačatku inspekcyj polskich miasapierapracoŭčych pradpryjemstvaŭ rasiejskimi veterynarami. Hetaje pahadnieńnie moža skončycca admienaj embarha na pastaŭki praduktaŭ polskaj žyviołahadoŭli ŭ Rasieju.
