Biełaruska Valancina, jakaja čakaje razam ź inšymi hramadzianami našaj krainy kanca śvieta ŭ Pienzienskaj vobłaści, kaža, što kali Alaksandr Łukašenka pryjedzie ŭ siało Nikolskaje, to ŭsie biełaruskija zatvorniki kinucca jamu ŭ nohi.
Nahadajem, što dniami biełarusak, jakija nie paśpieli patrapić u piačoru da siektantaŭ, biezvynikova pierakonvali viarnucca dadomu deputaty Pałaty pradstaŭnikoŭ na čale z Mikałajem Dubovikam. Pavodle siektantak, biełaruskija deputaty paviedamili im, što svaimi dziejańniami žančyny vielmi kryŭdziać i hańbiać na ŭvieś śviet prezidenta Biełarusi Alaksandra Łukašenku. Ale siektantki kažuć, što nikoli nie žadali błahoha Łukašenku:
«nam vielmi škada, što baćka tam, u Biełarusi, za nas tak sumuje».
U razmovie z karespandentam rasijskaj «Komsomolskoj pravdy» siastra Valancina zaznačyła, što kali b Łukašenka pryjechaŭ siudy «my b usie kinulisia jamu ŭ nohi». Siektantki paviedamili, što lubiać prezidenta i tyja biełarusy (10 čałaviek), jakija siadziać u piačory:
«Dy ŭ nas za jaho kožny žyćcio addaść!».
Akramia Łukašenki, siektantki pavažajuć i hatovyja pasłuchać manacha z Afonskaj hary Rafaiła Bierastava, pravasłaŭnaha piśmieńnika z Maskvy Valeryja Filimonava, schimnika Sierhijeva‑Pasadskaj łaŭry ajca Aviela i nastajaciela Pačajeŭskaj łaŭry va Ukrainie, imia jakoha nie zmahli ŭspomnić.