Jak paviedamili ŭ UUS Minabłvykankama, 13 žniŭnia ŭ stalicy zatrymali minčuka, jaki zajmaŭsia vyrabam i prodažam sumiesiaŭ dla paleńnia. U jaho znajšli kala 800 hramaŭ spajsaŭ (prykładna 1600 doz).
Na handlara vyjšli praz spažyŭcoŭ spajsaŭ. Pad łabaratoryju małady čałaviek najmaŭ haraž. Sumiesi dla paleńnia jon vyrablaŭ z tabaki i psichatropnaha rečyva, jakoje zamaŭlaŭ praź internet. Hatovy pradukt pradavaŭ praz «zakładki»: pakidaŭ u peŭnym miescy, a paśla apłaty nazyvaŭ jaho klijentu.
Zaviedziena kryminalnaja sprava. Chłopcu pahražaje da 13 hadoŭ kałonii.
0
0
0
0
0
0