Najbolš žorstkija bai z terarystami viaducca ŭ rajonach Horłaŭki, Čyrvonaha Łuča, Iłavajska i Daniecka, Łuhansk całkam akružyli.
Pra heta raspavioŭ na bryfinhu ŭ čaćvier pres-sakratar RNBA Andrej Łysienka.
U čaćvier ukrainskija vajskoŭcy vyzvalili ad terarystaŭ pasiołak Navaśvietłaŭka niepadalok Krasnadona Łuhanskaj vobłaści.
Pa słovach Łysienki, takim čynam pierakrytaja apošniaja mahčymaść dla aŭtaznosin pamiž zachoplenym Łuhanskam i inšymi terytoryjami, jakija padkantrolnyja rasijskim najmitam, u pryvatnaści, z pamiežnym punktam «Izvaryna» na miažy z Rasijaj.
Ciapier praciahvajucca bai ŭ pasiołku Chraščavataje, što na akruhovaj pad Łuhanskam, dzie terarysty zbudavali mahutny ŭmacavany rajon.
Bajeviki sprabujuć kontratakavać ukrainskich vajskoŭcaŭ pa niekalkich napramkach.
«Najbolš žorstkija bai viaducca ŭ rajonach Horłaŭki, Čyrvonaha Łuča, Iłavajska i Daniecka. Akramia taho, terarysty praciahvajuć ściahvać značnyja siły da Śniežnaha. Praciahvajucca bai niepadalok Leninskaha i Uśpienki», — raspavioŭ Łysienka.
