BiełTA
Alaksandr Łukašenka papiaredžvaje čynoŭnikaŭ ab niedapuščalnaści ahaleńnia ŭnutranaha rynku z-za pavyšanaha popytu na biełaruskuju pradukcyju ŭ Rasii.
Ab hetym kiraŭnik dziaržavy zajaviŭ siońnia, naviedvajučy AAT «Ahrakambinat «Skidzielski».
Jak prainfarmavali kiraŭnika dziaržavy, u Rasii adznačajecca pavyšany popyt na pradukcyju ź Biełarusi. Tolki za adzin dzień u Rasii było pradadziena 1,5 t biełaruskaha masła. Pa słovach ministra sielskaj haspadarki i charčavańnia Leanida Zajca, tolki na pastaŭkach małočnaj i miasnoj pradukcyi ŭ Rasijskuju Fiederacyju sa žniŭnia pa śniežań možna atrymać vyručku ŭ abjomie $2,1 młrd. Ministr taksama paviedamiŭ, što ŭ Rasii padnialisia ceny na małočnuju pradukcyju. «Prosiać našy syry, 82-pracentnaje masła», — skazaŭ Leanid Zajac.
«Treba varušycca, vykarystać hety momant i zarabić hrošy», - adznačyŭ kiraŭnik dziaržavy.
«Treba mieć na ŭvazie, što jany začynili svoj rynak, ale my nie brali abaviazacielstvy pa ŭnutranym rynku. My možam zavozić sabie pradukcyju ź luboj kropki płaniety.
Treba zahružać, pierapracoŭvać i pradavać, - skazaŭ Łukašenka.
— Tolki treba ŭzhadniać z rasijanami, kab nas nie paprakali, što my idziem u razrez ź ich palitykaj».
«I nie ahalajučy ułasny rynak, kab nasielnictva atrymlivała stolki pradukcyi, kolki treba», — padkreśliŭ Alaksandr Łukašenka.