Maskoŭski sud pa prośbie prakuratury prysudziŭ nieanacysta Maksima Marcinkieviča pa mianušcy Ciasak da piaci hadoŭ kałonii strohaha režymu. Marcinkieviča ŭ treci raz sudziać za raspalvańnie mižnacyjanalnaj varožaści.
Sudździa Kuncaŭskaha suda Maskvy Śviatłana Uchnalova pahadziłasia z prakuraturaj, jakaja prasiła dla abvinavačanaha 5 hadoŭ pazbaŭleńnia voli.
Marcinkieviča pryznali vinavatym u raspalvańni nianaviści i varožaści z-za raźmiaščeńnia ŭ internecie ekstremisckich rolikaŭ.
Ciasak abvinavačvaŭsia ŭ raźmiaščeńni ŭ vieraśni-kastryčniku 2013 na jaho staroncy ŭ sacsietcy «Ukantakcie» troch videarolikaŭ ekstremisckaha źmiestu.
U studzieni hetaha hoda Marcinkievič, abvieščany da taho času ŭ vyšuk, byŭ zatrymany na Kubie i ekstradavany ŭ Rasiju.
Advakat asudžanaha Maćviej Dzen skazaŭ žurnalistam, što budzie abskardžvać prysud. Abarona nastojvała na tym, što ŭ dziejańniach Marcinkieviča adsutničaje skład złačynstva. Sam Marcinkievič pryznavaŭ, što raźmiaščaŭ dva videaroliki, ale padkreślivaŭ, što nijakaha dačynieńnia da mantažu abo zdymki nie mieŭ.
