U Kiembrydžskim univiersitecie źjaviłasia stypiendyja «doktara šakaładnych navuk» — raspracoŭnika formuły termaŭstojlivaha šakaładu.
Adpaviednuju abjavu raźmiaścili na sajcie VNU. Dla śpiecyjalista padrychtavali miesca ŭ departamiencie chimičnaj inžynieryi i bijatechnałohii.
Hałoŭnym abaviazkam vučonaha stanie vyvučeńnie ŭpłyvu ciopłaha klimatu na spažyvieckija ŭłaścivaści šakaładu z tym, kab pamienšyć ŭździejańnie tempieraturnych faktaraŭ na zachavańnie formy prysmaku.
Siarod patrabavańniaŭ da pretendentaŭ kiraŭnictva vyšejšaj navučalnaj ustanovy paznačyła najaŭnaść stupieni bakałaŭra, vopyt daśledčaj raboty i luboŭ da šakaładu. Budučamu «doktaru šakaładnych navuk» vyrašyli daručyć nie tolki daśledčuju pracu, ale i čytańnie lekcyj studentam.
Pa zakančeńni pracy nad prajektam navukoviec atrymaje stupień PhD (doktar navuk).
