Pratakoł, padpisany ŭ Minsku 5 vieraśnia, udzielnikami trochbakovaj kantaktnaj hrupy apublikavany na sajcie ABSIE. Dakumient uklučaje ŭ siabie 12 punktaŭ, siarod jakich nadańnie samaabvieščanym Danieckaj i Łuhanskaj narodnym respublikam asablivaha statusu šlacham pryniaćcia adpaviednaha zakona.
Pieršym punktam u pratakole značycca «zabieśpiačeńnie nieadkładnaha dvuchbakovaha spynieńnia prymianieńnia zbroi». Nastupnym krokam, pra jaki damovilisia boku, u dakumiencie značycca manitorynh i vieryfikacyja režymu pieramirja z boku ABSIE.
Asobny punkt pryśviečany pytańniu statusa samaabvieščanych Danieckaj i Łuhanskaj abłaściej. «Pravieści decentralizacyju ŭłady, u tym liku šlacham pryniaćcia zakona Ukrainy» Ab časovym paradku miascovaha samakiravańnia ŭ asobnych rajonach Danieckaj i Łuhanskaj abłaściej «(Zakon ab asablivym statusie)», - kaža adzin z punktaŭ dakumienta.
Jašče adnym z punktaŭ dakumienta značycca praviadzieńnie daterminovych miascovych vybaraŭ u adpaviednaści z zakonam Ukrainy «Ab časovym paradku miascovaha samakiravańnia ŭ asobnych rajonach Danieckaj i Łuhanskaj abłaściej».
Inšyja punkty pratakołu datyčacca vyzvaleńnia bakami kanfliktu usich zakładnikaŭ, pryniaćcia zakona ab niedapuščeńni pieraśledu i pakarańnia asob u suviazi z padziejami na ŭschodzie krainy, manitorynh z boku ABSIE na ŭkrainska-rasijskaj miažy, praciah ahulnanacyjanalnaha dyjałohu, pryniaćcie mier pa palapšeńniu humanitarnaj situacyi ŭ Danbasie, vyvad niezakonnych uzbrojenych farmiravańniaŭ, techniki i najmitaŭ z terytoryi Ukrainy i pryniaćcie prahramy ekanamičnaha adradžeńnia Danbasa.
Asobny punkt tyčycca pradastaŭleńnia harantyj asabistaj biaśpieki dla ŭdzielnikaŭ kansultacyj.
Pad dakumientam stajać podpisy pieciarych udzielnikaŭ pieramoŭ: śpiecpradstaŭnika staršyni ABSIE Chajdzi Taljavini, byłoha prezidenta Ukrainy Leanida Kučmy, pasła Rasii na Ukrainie Michaiła Zurabava, premjer-ministra samaabvieščanaj DNR Alaksandra Zacharčanka i premjer-ministra samaabvieščanaj ŁNR Ihara Płatnicki.
Režym spynieńnia ahniu, pavodle dasiahnutych damoŭlenaściaŭ, ustupiŭ u siłu ŭviečary ŭ piatnicu, 5 vieraśnia, u 18:00 pa kijeŭskim časie.
