Alaksandra Tamkoviča buduć sudzić u jaho adsutnaść 7

Mikałaj Čarhiniec

Alaksandar Tamkovič

Zaŭtra a 15.00 u sudzie Pieršamajskaha rajonu Mienska (vuł. Tałbuchina, 9) raspačniecca dasudovaje raźbiralnictva pavodle pazovu kiraŭnika aficyjnaha piśmieńnickaha sajuzu Mikałaja Čarhinca da žurnalista Alaksandra Tamkoviča i pryvatnaha pradpryjemstva «Čas navinaŭ».

Nahadajem, što nahodaj dla sudu staŭ artykuł A. Tamkoviča «Hienerał‑senatar Mikałaj Čarhiniec» u niedziaržaŭnaj hazecie «Novy čas», jakuju vydaje pradpryjemstva «Čas navinaŭ».

Na dumku M. Čarhinca, nadrukavany ŭ vieraśni artykuł nanios škodu jahonamu honaru, hodnaści i dziełavoj reputacyi. Hetuju škodu jon acaniŭ u 600 miljonaŭ rubloŭ, jakija praz sud źbirajecca spahnać z žurnalista (100 miljonaŭ) i vydaviectva (500 miljonaŭ).

Alaksandar Tamkovič praz chvarobu na sudzie 5 śniežnia prysutničać nia budzie. «Ja sabraŭ nieabchodnyja daviedki i paprasiŭ adkłaści pasiedžańnie na niekalki dzion» — raspavioŭ sp. Tamkovič. Adnak sud nie paličyŭ niemač žurnalista nahodaj dla pieranosu raźbiralnictva. Jak viadoma, A. Tamkovič užo niekalki hadoŭ pakutuje na ciažkuju chvarobu, ciapier na jaje nakłaŭsia hryp.

Na sudzie budzie prysutničać advakat žurnalista i šef-redaktar «Novaha času» Alaksiej Karol.

0

0

0

0

0

0

Siamion Piečanko

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH