Zapuščany novy respublikanski tvorčy fotakonkurs «Fota Biełarusi». Ab hetym paviedamili ŭ Ministerstvie infarmacyi.
Asnoŭnyja mety i zadačy tvorčych spabornictvaŭ — pakaz historyi i sučasnaści Biełarusi, sadziejničańnie vychavańniu patryjatyzmu, hramadzianskaści, śćviardžeńniu ŭ hramadstvie vysokich maralnych i estetyčnych ideałaŭ, duchoŭna-maralnych kaštoŭnaściej biełaruskaha naroda, prapahanda z dapamohaj fotamastactva dasiahnieńniaŭ krainy.
Pryniać udzieł u konkursie mohuć jak prafiesijnyja fatohrafy, tak i amatary. Pryjom zajavak pačniecca z 30 vieraśnia.
Vyniki buduć padviedzieny ŭ mai 2015 hoda. Uznaharodžańnie pieramožcaŭ projdzie na śpiecyjalna arhanizavanaj cyrymonii. Paśla płanujecca arhanizavać fotavystaŭku i vypuścić albom z rabotami pieramožcaŭ i łaŭreataŭ.
Arhanizatary — Ministerstva infarmacyi Biełarusi, Biełaruskaje hramadskaje abjadnańnie «Fotamastactva», Biełaruski sajuz žurnalistaŭ.