Maładaja siamiejnaja para z Mahilova praviała noč u śledčym izalatary za nalepku na ich aŭto «Łuhanśk i Doniećk — cie Ukrajina!».
Pa słovach žonki, jana z mužam jechała pa Mahilovie, kali ich spyniŭ supracoŭnik DAI. Paśla razmovy z maładym čałaviekam abaroncy pravaparadku paviedamili, što źbirajucca adahnać mašynu na štraf-stajanku.
«Pryčynaj hetaha zatrymańnia, chutčej za ŭsio, pasłužyli try ściažki na łabavym škle — bieł-čyrvona-bieły, ściah Ukrainy i ściah UNA — i vialikaja nalepka na zadnim škle «Łuhanśk i Doniećk — cie Ukrajina!», — raspavioŭ znajomy siamji, spasyłajučysia na słovy ŭdzielnicy incydentu.
Pry hetym tavaryš udakładniŭ, što «muž z žonkaj nie źjaŭlajucca siabrami jakoj-niebudź arhanizacyi, ale vychodzili i vychodziać na ŭsie akcyi pratestu», na jakoj jany ź im i paznajomilisia jašče ŭ 2010 hodzie.
Uvieś viečar paśla incydentu ź siamiejnaj paraj adsutničała telefonnaja suviaź. Paźniej vyśvietliłasia, što maładyja ludzi praviali noč u izalatary, zatym byŭ sud, na jakim jany atrymali štraf pa 15 bazavych vieličyń za supraciŭ supracoŭnikam DAI.
