Ministry abarony Ukrainy, Polščy i Litvy zaŭtra ŭ Varšavie padpišuć damovu ab stvareńni sumiesnaj vajennaj bryhady LitPołUkrBryh.
Pra heta paviedamiła pres-słužba polskaha prezidenta ŭ čaćvier.
Dahavor budzie padpisany ŭ rezidencyi Prezidenta Polščy Branisłava Kamaroŭskaha pry jaho ŭdziele.
Nahadajem, ideja stvareńnia ukrainska-polska-litoŭskaj bryhady procidziejańnia kryzisnym situacyjach «LitPołUkrBryh» paŭstała ŭ 2007 hodzie. Ministry abarony troch krain padpisali list namieraŭ ab stvareńni takoj bryhady, u pryvatnaści, dla ŭdziełu ŭ miratvorčych misijach Jeŭrasajuza i NATA, u listapadzie 2009 hoda, zajaŭlajučy pra namier damahčysia jaje poŭnaj apieracyjnaj hatoŭnaści ŭ 2013 hodzie.
Pavodle papiarednich damoŭlenaściaŭ, ukrainski bok płanavaŭ vyłučyć dla sumiesnaha padraździaleńnia 545 vajskoŭcaŭ, u tym liku 18 aficeraŭ u kamandavańnie bryhady, a taksama vajennuju techniku.