19 vieraśnia na sajcie haziety «Priessboł» źjavicca infarmacyja pra start nacyjanalnaha spartyŭnaha fiestyvalu «Mova Sup», jaki adbudziecca 28 vieraśnia na terytoryi Centru alimpijskaj padrychtoŭki pa lohkaj atletycy ŭ Miensku (vulica Kalinoŭskaha, 111). Usim achvotnym budzie prapanavana pasprabavać svaje siły ŭ roznych vidach sportu.
Jak padaje vydańnie, frantmienami śviata stanuć zorki biełaruskaha sportu. U pieršym šerahu — słynnaja płyŭčycha Alaksandra Hierasimienia, jakaja ličyć, što fiestyvalu, jaki nie maje analahaŭ, budzie nakanavanaje vialikaje i śvietłaje žyćcio:
«Pa-pieršaje, u hety dzień my ŭsie budziem razmaŭlać na rodnaj biełaruskaj movie. Pa-druhoje, dadzim mahčymaść fiederacyjam i spartyŭnym kłubam prezientavać svaje vidy sportu ŭ najlepšym rakursie — tak, jak jany sami paličać patrebnym. Pa-treciaje, dziakujučy dapamozie sponsaraŭ, praviadziom niamała turniraŭ, hałoŭnym ź jakich budzie karparatyŭny — siarod słavutych ajčynnych brendaŭ u šaści kamandnych vidach sportu. Narešcie, čaćviortaje — budzie prosta viesieła. Va ŭsiakim vypadku, ja heta baču pa nastroi ludziej, jakija arhanizujuć naš «Mova Cup»».
