Prezident Rasii Uładzimir Pucin padčas telefonnaj razmovy z aŭstryjskim kancleram Viernieram Fajmanam prapanavaŭ pravieści ŭ Vienie čarhovy etap mirnych pieramovaŭ pa Ukrainie.
Pra heta paviedamlaje sajt aŭstryjskaj haziety Österreich sa spasyłkaj na kanclera.
Pavodle vydańnia, Pucin patelefanavaŭ Fajmanu praz paŭhadziny paśla viartańnia kanclera z Ryma, dzie toj abmiarkoŭvaŭ los Ukrainy z kiraŭnikom źniešniepalityčnaha viedamstva ES Fiederyka Mahieryni.
Österreich udakładniaje, što «vybuchovaniebiaśpiečnaja» razmova, jakuju Pucin chacieŭ vieści tolki pa abaronienaj ad prasłuchoŭvańnia linii, doŭžyłasia 20 chvilin i viałasia pa-niamiecku.
U svaju čarhu aŭstryjski kancler ahučyŭ Pucinu čatyry patrabavańni z boku ES jak maha chutčej vyvieści z uschodu Ukrainy ŭsich rasijskich vajskoŭcaŭ, pryznać suvierenitet i cełasnaść Ukrainy, zabiaśpiečyć achovu ŭkrainskaj miažy z metaj nie dapuścić paŭtornaha praniknieńnia rasijskich sałdat i zabiaśpiečyć padtrymku mirnaha pracesu va Ukrainie z boku Kramla.
U svaju čarhu Pucin zajaviŭ, što «bačyć pastupovy pazityŭnaje raźvićcio padziej va Ukrainie» i zapeŭniŭ, što «vysoka cenić» mirnyja sproby Fajmana.
