U šosty raz paśla pazbaŭleńnia prava kiravańnia mašynaj za vadžeńnie ŭ stanie ałkaholnaha apjanieńnia, trochhadovy termin jakoha minaje prykładna praz dva z pałovaj miesiaca, zatrymany 18 vieraśnia kiroŭca «Aŭdzi» ŭ Hrodnie.
Jak paviedamlaje ŭpraŭleńnie DAI UUS Hrodzienskaha abłvykankama, na vulicy Suvorava kiroŭca nie padparadkavaŭsia padadzienamu žazłom sihnału ab spynieńni. Takim ža čynam jon adreahavaŭ na śvietłavuju i hukavuju sihnalizacyi aŭtamabila DAI. Spyniŭsia na vulicy Sakolskaj paśla taho, jak byŭ zabłakavany patrulnym aŭtamabilem.
Na sieryjnaha parušalnika składziena šeść pratakołaŭ: za nievykanańnie nieadnarazovych patrabavańniaŭ ab spynieńni, abhon na piešachodnym pierachodzie, nievykanańnie patrabavańnia darožnaha znaka «Ruch biez prypynku zabaronieny», parušeńnie pravił manieŭravańnia, prajezd na čyrvony sihnał śviatłafora i h.d.
