U Minsku 7 listapada adkryjecca paśla rekanstrukcyi basiejn «Traktar». Ab hetym paviedamiŭ siońnia načalnik upraŭleńnia sportu i turyzmu Minharvykankama Siarhiej Furmanaŭ na apieratyŭnaj naradzie ŭ meryi.
«Vodny kompleks z dvuma 25-mietrovymi basiejnami na čatyry i vosiem darožak adkryjecca na vulicy Daŭhabrodskaj 7 listapada. Basiejn abstalavany sistemaj vodapadrychtoŭki i kandycyjaniravańnia pavietra, pačnie rabotu łabaratoryja analizu vady. Pakolki kompleks adpaviadaje ŭsim standartam Mižnarodnaha alimpijskaha kamiteta, tut buduć prachodzić roznyja spartyŭnyja spabornictvy», — skazaŭ Siarhiej Furmanaŭ.
U bližejšy čas u Minsku taksama płanujecca adkryć fizkulturna-azdaraŭlenčy kompleks u kvartale vulic Anharskaj-Arcioma-Hierasimienki-Nieścierava. U FAK raźmiaścilisia 25-mietrovy basiejn na piać darožak, dadatkovaja zona z vadaspadam i padvodnym masažam, dziciačy basiejn i basiejn dla navučańnia płavańniu.
Siarhiej Furmanaŭ adznačyŭ, što pierad horadam pastaŭlena zadača da kanca 2015 hoda ŭvieści ŭ ekspłuatacyju dzieviać novych basiejnaŭ. Pa dva basiejny źjaviacca ŭ mikrarajonach Łošyca i Brylevičy, pa adnym pabudujuć u rajonie vulic Malinina-Malaŭki (Leninski rajon), Łabanka-Prytyckaha (Frunzienski rajon), u Kastryčnickim rajonie. Fizkulturna-azdaraŭlenčyja kompleksy ŭźviaduć na vuł. Laščynskaha i vuł. Jankoŭskaha.
