U Biełarusi ŭstanoŭleny miesiačny termin na zasialeńnie hramadzian u pabudavanyja šmatkvaternyja damy. Takaja norma vyznačana rasparadžeńniem premjer-ministra № 270r ad 20 vieraśnia 2014 hoda. 

Jak paviedamlaje pres-słužba ŭrada, zasialicca ŭ miesiačny termin z dnia pryjomki šmatkvaternaha žyłoha doma ŭ ekspłuatacyju zmohuć hramadzianie, jakija ŭ poŭnym abjomie raźličylisia za vykananyja raboty. Pry hetym «nievykanańnie asobnymi hramadzianami ŭkazanych raźlikaŭ nie moža źjaŭlacca padstavaj dla admovy ŭ zasialeńni inšym hramadzianam, jakija całkam raźličylisia za vykananyja raboty pa budaŭnictvie peŭnych žyłych pamiaškańniaŭ u šmatkvaternym žyłym domie», skazana ŭ rasparadžeńni. 

Zamoŭcy (zabudoŭščyki) šmatkvaternych žyłych damoŭ pavinny ŭ termin, jaki nie pieravyšaje adzin miesiac da zapłanavanaj daty pryjomki ich u ekspłuatacyju, skłaści dahavory z terytaryjalnymi arhanizacyjami pa dziaržaŭnaj rehistracyi nieruchomaj majomaści, pravoŭ na jaje i ździełak ź joj ab praviadzieńni techničnaj invientaryzacyi šmatkvaternych žyłych damoŭ. 

U miesiačny termin z dnia pryjomki doma ŭ ekspłuatacyju pavinien być praviedzieny kompleks mierapryjemstvaŭ, nieabchodny dla zasialeńnia hramadzian u pabudavanyja žyłyja pamiaškańni i vydačy dakumientaŭ dla dziaržaŭnaj rehistracyi prava ŭłasnaści na ich. 

Zabiaśpiečyć vykanańnie pieraličanych daručeńniaŭ pavinny abłvykankamy i Minharvykankam sumiesna ź Minžyłkamhasam, Minenierhietyki, Minsuviazi, Minbudarchitektury, Dziaržaŭnym kamitetam pa majomaści. 

Minžyłkamhasu i Dziaržkammajomaści daručana kaardynavać pracu i pravodzić analiz vykanańnia rasparadžeńnia premjer-ministra. U Saviet ministraŭ budzie štomiesiac padavacca infarmacyja pra chod zasialeńnia zapłanavanych da ekspłuatacyi ŭ 2014 hodzie šmatkvaternych žyłych damoŭ. 

Zacikaŭlenym viedamstvam daručana da 1 kastryčnika hetaha hoda ŭnieści prapanovy ab karekciroŭcy zakanadaŭstva, uklučajučy viedamasnyja narmatyŭnyja pravavyja akty, z ulikam daručeńniaŭ, jakija źmiaščajucca ŭ rasparadžeńni premjer-ministra № 270r ad 20 vieraśnia 2014 hoda. 

Piersanalnaja adkaznaść za vykanańnie hetaha rasparadžeńnia ŭskładziena na staršyniaŭ abłvykankamaŭ i Minharvykankama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?